Endelig tilbake på hytta

Sist helg var vi opptatt med andre utskeiielsar, så sjølv om lengselen til å få jobbe med hytta var stor, måtte vi ta ei helg "fri".
Denne helga var det igjenn tid for hyttebygging, eg skulle få mi første helg på hytta på lenge :) Kjekt å få kome opp å sjå kor fint det går og kor bra det blir <3



Trollveggen i Romsdalen



Trollveggen i Romsdalen. Morgonsola skein på vegen opp mot hytta

Det er veldig kaldt på Bjorli (-23 fredag), så for å unngå overnatting i campingvogna reiste vi oppover tidlig laurdagsmorgon. Kl 1015 var eg, Eirik, min far og min onkel Ole klare i termodressane til ein effektiv arbeidsdag.

Vi fikk på siste delen med dampsperre og kunne fyre opp varmen frå byggvarmaren.
Isolasjonen i hytta gjorde virkelig jobben sin, varmetapet er alt no minimalt og det gikk ikkje lenge før varme ytterkle var overflødig inne i hytta.



Loftet er klart for panel

1. et ferdig med fuktsperre og delvis ferdig lektet.

Vi fikk festa på lekter i nesten heile 1. etasje før vi plutseleg ikkje hadde meir. Epost er alt sendt til Familiehytta, så har god tru på at vi til neste helg kan fortsette arbeidet med lektinga.

Det var NYDELIG vær på Bjorli denne helga og eg måtte ta turen ut å ta nokre skrytebilder av hytta ;-)

Tomme for lekter var det berre å gå vidare å starte på den første deleveggen i 1.etasje. Deleveggen kom relativt kjapt opp, Pre-cut lengder hadde nok sine fordelar.

Stor borremaskin og ekspressspiker festa den første deleveggen

Byggeteamet frå FH-Bygg bærte inn materealet som skal inn i hytta etterkvart for oss før dei avslutta arbeidet. Skal tru om det var tilfeldig at deleveggen akkurat fikk plass?

 

Eit soverom til høgre og kjøkkenkroken bak "veggen" til venstre

Utpå kvelden sette vi kursen heimover, 4 sletne arbeidara godt fornøgde med helgas/dagens innsats og progresjon.