Tilbake på hytta

Endeleg var det klart for ny hyttehelg. I dag tidleg, kl hall 8, satte vi oss i bilen mot hytta. Eg, Eirik, begge ongane, min far og Onkel Ole.
Vi skal overnatte i campingvogna til i morgon, og min far og Ole hadde seg ein dagstur.

Ein gledelig overraskelse som møtte oss inne i hytta då vi kom fram var at vatnet var kome tilbake :) Jippi!!
Det betyr at vi no kan sette i gong med støyping av golv i nær framtid.
Vi fikk i vinter kobla på vatnet på hovudkrana, men lykka var kortvarig og vatnet fraus før vi rakk å nyte det. I sommar må vi gjære utbedringer slik at vi ikkje får same problem neste vinter.

Dagen i dag har gått til ein del el-arbeid, og beis og snekring av panel på eit av dei små soveromma i 1.et.
Har hatt ekstremt med beslutningsvegring på fargevalget på dei to små soveromma i 1.et. Tok tilslutt ei inpulsbeslutning på mørk grå.
Når eg skulle male første fjøla vart eg svært usikker på valget, men etter å ha mala på og tørka av med ei fille, vart det heldigvis eit svært bra resultat :) Absolutt ein farge som harmonerar godt med resten av hytta.

-Greit å kunne vokne til denne utsikta frå soveromsglaset-

-Når ongane er med blir det mykje turgåing i nærmiljøet, her er Anna Emilie på spasertur i Vetlegrenda-

- Lisje soverom nr 1 har fått grå beis på veggen. Lady interiørbeis Værbitt-

- Dagens byggehytte middag: Taco - Tips: Lag klar kjøtt og salat heime, då er det enkelt å varme i micro på eit primitivt sjølvbyggarhyttekjøkken -


No har kvelden senka seg i campingvogna, ongane søv tungt etter ein dag med mykje sol og frisk luft. Eg og Eirik jobbar på skift i hytta, ein passa ongane og den andre malar eller snikrar. Snart sig vi nok ned i sofaen og streamar oss ein film på Netflix, merkar godt at vi har 3G nettet nesten for oss sjølv denne helga. Turbo 3G samanlikna med sirupen som var i påska.

Ha ein fin kveld :)