Vatn i krana :)

For fjerde dagen på rad er vi oppe i over 12 arbeidstimer, ikkje rart det går frammover. Kjenner på kroppen at vi har stått på for å seie det slik, men skal klare å halde ut nokre dagar intensivt arbeid til før vi skal nyte sol og varme i Tyrkia ;)

I dag var rørleggaren frå Lesja Rør her og vi har fått varmt og kaldt vatn i krana på lisjedo og vatn på nedtappinga på doen. For ein LUKSUS! :) 

Veldig greit å få vaske seg skikkelig på hendene, kunne ta oppvasken og pussetenner på skikkeleg vis. Her snakkar vi høgstandarhytte ;)

Ellers har vi hatt to prosjekt på gong. Maling utendørs og legging av golv på hovudsoverommet. 

Ute har vi fått tatt alle høge møner og er godt i gong med malinga. 

Nesten litt skam å jobbe inne i det fine været, men jobben må gjerast. Då vi ikkje var 100% fornøgd med behandlinga av golva til no, dei er bra, men beisen blir lett mørkare der det blir overlapp og dette vil vi prøve å unngå i stova. Det føles umulig å unngå når man behandlar etter at golvet er lagt, så vi tenkte prøve ei anna metode no i håp om at det vart bedre. 

No beisa vi kvar fjøl før legging, og det ser ut til å både være enklare å beise på med fint resultat og raskare og enklare enn å beise etterpå. 

Golv lagt og eit av tre lag med Trestjerner Gulvmatt er alt kome på. (Beisa med Jotun Lady Interiørbeis Drivved) 

No kryp vi til køys, godt nøgde med dagens innsats :)