Viser innlegg med etiketten Kvitevarer. Vis alle innlegg
Viser innlegg med etiketten Kvitevarer. Vis alle innlegg

søndag 8. september 2013

Helga oppsummert

Heilt i starten av hyttebygginga kjøpte mi mor ei lokal barnebok frå Romsdalen med sagnet om Trollveggen i. Særleg Sander har likt denne boka godt, og det er kjekt å få kjøre forbi Trollveggen på veg til og frå hytta med heile brudefølget øverst på veggen som går heilt opp til stjernene.
Inne i denne boka var det også ei oppskrift på Romsdalshorn. Det har våre ein tolmodig gut som har venta i spenning på at kjøkkenet skulle bli brukbart. Denne helga var alt klart for å kokkelere litt :)
 
Mykje matlaging denne helga :) Arbeidsbenken på venstresida er utruleg kjekk for kokken :)
 
I tillegg til kokkelering har vi jobba ein heil del også denne helga. Eg, Eirik, begge ongane, min far og Onkel Ole.
Vi har fått tatt første strøket med kvitmalinga utandørs på dei få attståande stadane. Det meste har fått to, men står att nokre vannbord og ein vinduskarm før vi kan krysse utvendig maling av lista før vinteren.
Alle flater malt
Inne har vi fått på ein del fleire lister, i tillegg har vi fått opp nokre panelovnar. Panelovnar er praktisk, men eg håper at dei "forsvinn" litt blandt interiøret når vi får inn møblar. Stikker seg litt fram no. Ovnane har termostatar slik at vi kan styre dei på samme system som varmekablane. Om systemet fungerar som planlagt skal vi kunne stille tempraturen i hytta via ein app på telefonen, det blir iallefall praktisk :)

Lister og panelovnar - 1. et er snart ferdig lista

Hovudmålet for helga var å få fliser på golvet på det største badet. Som bildet under viser kom vi i mål med det, berre fuginga att.
T.V.: Har blitt ein del beising også denne helga, lister og kottdør har fått farge. T.H.: Badet ferdig flisa. Fargen ser litt mørkare ut på bildt enn den virkeleg er.

 Kommande helg er eg på blåtur med jobben og det kan derfor være vi ikkje får jobba på hytta, tida får vise, må vel ha tid til anna også, innimellom.

søndag 1. september 2013

Det går frammover

I dag har våre ein fortsettelse av i går. Montering av kjøkken, listing og nedvask/støvfjærning.

Litt bilder frå status søndag ettermiddag
Vi har fått lista store deler av stova og mykje av taket i 1.etasje. Eg har våre effektiv med malarkosten og mykje lister er klare til neste helg, både ferdige og halvferdige. Kjøkkenet er godt på veg ferdig, litt listing og montering av lys må til. I tillegg må vi velge ut handtak til dørene og armatur til vasken.

Særleg armatur til vasken slit vi med... Nokon som har eit godt tips om eit som hadde passa inn på hytta vår? Legg inn link i kommentarfeltet eller send meg ein epost :)

I veka som var opna ein ny Kitch'n butikk på vårt lokale Amfisenter. Masse gode tilbod, gjorde mange gode kupp :) Heilt knall for oss som har ei heilt hyttekjøkken å fylle opp! Masse flott er handla inn, så gler meg til å kunne ta i bruk hytta snart :)

lørdag 31. august 2013

Kvitevarer, nedvask og listing

Her går det framover. På torsdag var elektrikarane på besøk, fikk montert opp sikringskapet og det kom kontrollør frå everket som fikk godkjenne det elektriske anlegget. 
Anlegget vart godkjent og byggestraumen vart bytta ut med fast installasjon. 

I går leverte vi dei to små hos mormora og morfaren og pakka bilen full i kvitevarer. Alle kvitevarer er no på plass forutenom kjøleskapet som ikkje har kome frå leverandøren. Håper at det er på plass til neste helg :)
Kvitevarejungelen har våre vanskleg å finne fram i, utallige merker, tilleggsutstyr og variantar. Vi enda tilslutt på ein AEG pakke, virkar som solide greier med flott design :)

I dag kom foreldra til Eirik opp for å hjelpe til. Svigermor har vaska ned panelen i så godt som heile hytta og svigerfar har hjelpt Eirik med montering av kvitevarer og etterpå listing. Eg har hatt den store jobben med å behandle listene. 
Listemalinga går overraskande greit på alt utenom dei kvite til dører og vindu... Dei er virkelig ein flaskehals :/ men har fått lista ein del også i dag, så skal nok komme i mål tilslutt :)



søndag 24. mars 2013

Nermar seg påskeferie

Eirik hadde fri på fredag og tok seg ein tur aleine på hytta. Sida vi skal i eit familieselskap i dag vart det at han kom heim etter ei overnatting. Effektiv som han er får han gjort mykje på to dagar.

Planen for reisa var å få ferdigstilt taket på loftet. Der var det berre arken oppover som sto att, og for folk uten så altfor mykje snikkarerfaring få før, vart det litt tenking og prøving før vinklane satt som dei skulle.

Arken på loftet - Taket er på plass på heile loftet.
(Bilde frå mobilen til Eirik, som de ser er den moden for utskifting)


Tak på loft - Ferdig: Check!

Vidare starta han på taket i frambygget på stova.

Tak i frambyggetpå stova
Gikk også med litt tid til å prøve å få vatnet tilbake i hytta, men det er fortsatt fryst... Håpar vi får det til i starten av påska, blir tungvindt på camping/hyttetur uten vatn. MEN alt går, rart alt man finn seg i når målet er så flott og fint, ei ferdig hytte :)

Eirik har også fått rydda eit soverom nede, slik at det er klart for å starte med panel på tak og veggar der i påska. Eg har fått hasteoppdrag med å finne farge.. og eg slit med å bestemme meg.
Om nokon har tips til fargar tek eg imot med takk :)

Utpå kvelden på fredag var de kø med bilar i alle retningar med påskeklare hytteturistar på vei til hytta si. Virka som påska alt har starta for fuldt på Bjorli iallefall. For vår del blir det tre arbeidsdagar før vi setter kursen mot hytta på torsdag.
Blir nok ei påske med god blanding av snikring, solvegg, beis, ski, sol, bygging, tak, veggar, aking, leik og kos :)

I løpet av påska må vi også velge ut kvitevarer til kjøkkenet. Har blitt blada ein del i denne siste tida:

Nokon med erfaringar med AEG kvitevarer? Noko funksjon de absolutt ikkje villa våre foruten på koketoppen og steikeovnen? Erfaring med lydnivå på ventilatorar, oppvaskemaskin og kjøleskap? Eller om de har andre smarte tips de kan dele med oss i valget av kvitevare, så er det berre å kome med dei :)

God påske til dei som har tatt ferie :-)